Paroles L'ano santo Gualtiero Bertelli

L'ano santo

No so se me insogno o se so’ desmissià
no so se xe ‘na fiaba, opur se xe realtà.
Oh Maria tochemose, me manda anca el fià
saria i veci tempi, Dio vogia, tornà?
Se fa l’Ano santo, savè, tolè su
se fa l'Ano santo e ‘sta volta In tivù.
E vu, svergognate, che ghe ‘ndavi drio
a ‘sti cagadubi, e a tuto el desio, a
i preti co le braghe, ai frati dotori,
ai sputasentense, ai putì in calore.
A omeni e done muciai su l’altare
che i sona la chitara, che i sta a ciacolare,
che i siga de Vietnam, de fame, paroni,
ma el prete, in ‘sta Russia, el g’ha ancora i cogioni?
E vu teste marse che ghe ‘ndavi drio
“El xe sta el concilio” disevi, par zio!
Ma no, xe ‘sta el diavolo che tuto ha cambiá,
che zo da l’altare el ne g’ha roviná.
Vera quel momento, el papa no’l pole
‘sta cheba de mati star sito a a vardare,
de siopari, lote, casin, perdission,
de Adi che predica la rivolussion.
De aborto, divorsio, de preti operai
de falce e marteo co la erose missiai
de munghe e preti che vol far l’amor
de centro sinistra che va a rebalton.
De femene nue, de oposti ‘stremismi
de democristiani che fa i comunisti
de bombe che I dise sia nere, ma mi
g'ho sempre pensa che le sia del pici.
Creature, i tassisti xe boni ‘taliani
i rompe un fià i bisi, ma i rossi I xe cani
no stemo fidarse, pensemoghe sora,
che no xe mai tardi par butarli fora.
Adesso, par zio, se fa l’Ano Santo
xe vero, no sogno, vegnù xe el momento,
g’ho el core che s’ciopa da tanto contento
so serto che l’orden cussi tornarà.
Co l’ordene vecio ritorna a regnare,
i omeni a cotìmo, e no a sioperare,
le femene a casa e zo da l’altar.
i tosi che i studia, e no in piaza a sigar.
Per Paolo e Amintore su su in alto i cuori,
ofrimoli a Dio ‘sti sete dolori,
tornemo, a la casa, tomemo co Pietro