Paroles 'a lattara Giulietta Sacco

'a lattara

Signo'... acalate,
Signo'...'a lattara.

I
'O suonno s'è fatto doce
e Aprile chiu' doce 'o fa
mamma' sta perdenne 'a voce
me tira a forza pe me sceta'
"'O sole e' spuntato a 'n'ora
spicciammoce piccere'"
Ma io sento ca ll'aria e' doce
e doce nun saccio 'e che'...

Oj mamma bella...
nun me mannate chiu' casa pe casa
cu sti butteglie 'mmane nunn'e' cosa
'o latte nunn''o posso chiu' purta'
So' figliulella,
e tutt' 'e giuvinotte d' 'o paese
me 'ndoppene e me fanno mille scuse
pa' strada nunn'e' cosa 'e cammena'

Ce sta'
chi me ferma e 'na domanda me vo fa'
Chi po'
'na risposta 'a va truvanno primma 'e mo'

E' pe stu fatto
me sto' facenno secca 'a ch'ero chiatta
'E stammo a vintitre' butteglie rotte,
me so' scappate 'a mano, ch'aggia fa'.

II
'O figlio d''o farmacista
'a tosse me vo sana'
Nicola l'elettricista
me spezza 'e file pe' l'aggiusta'
'O giovane d''o 'ngigniere
'ne casa vo fraveca'
ma io penso a 'nu Bersagliere
ca sempe 'mprigione sta'

-----------------------------

Ce sta'
chi me ferma e 'na domanda me vo fa'
Chi po'
'na risposta 'a va truvanno primma 'e mo'

E' pe stu fatto
me sto' facenno secca 'a ch'ero chiatta
'E stammo a vintitre' butteglie rotte,
me so' scappate 'a mano, ch'aggia fa'.

Ammore ammore 'e che me fatto fa'

Signo' acalate,
Signo' 'a lattara.