Paroles Un ricco e un povero Geolier

Un ricco e un povero

Nu ricco dicette a nu povero:
"Comme faje quando chiove di solito?"
Ê vote chiove accussí assaje ca ll'acqua penetra pure sott'ê ponte
"Comme faje quando figlieto chiagne?"
"Comme faje quando nn'appare niente 'int'ô fine 'e semmana e c'hê prumesso a figlieta ca sabbato l''essa purtata ô mare?"
È na vita ca rincorre 'e suonne
Nn'seguenno l'istinto, nn'sapenno addò stanno
E nu vuoto addeventa incolmabile quando se perde 'int'â vita na mamma
'Stu bicchiere pe terra nun tene monete ma sulamente acqua piovana
E pecché nun t'aize e t''o piglie 'a chi 'o ttene, 'e ricche se guardano 'e spalle, yeh
'O povero senza penzà rispunnette ca 'a pioggia era 'o mmale minore
Picciò 'o ricco se copre c''o ombrello
E 'o povero assettato sott'a ll'androne
Po 'o povero 'o guardaje 'int'a ll'uocchie
E dicette: "Pecché pe'tté po fosse povero?"
'O problema sî tu a pensà ca sî povero
Sulo pecché nn'tiene 'e sorde
E allora muore
Quando 'a vita fa si ca tutte cose t'annoia
'O povero nun tene 'o lietto
'O ricco sì, ma nun dorme
Ogne cosa ogge tene nu prezzo
Ogne juorno è nu brutto mumento
Ogne nuvola tene nu buco
Pe vedé sempe 'a luce 'e traverso

Nu juorno quando vidarraje 'o cielo esplodere
E n'angelo 'e scennere
L'anema 'a pierde pecché
Coprimmo 'e polse c''o riloggio, 'e bracciale, 'e manette, abbracciate rimanimmo allerte c''o viento
E tutt''a vita allora 'a passe distratto
Cu niente, cu poco, cu troppo, pe forza, c''a faccio
Penzave ca 'int'ô cielo ce steva coccosa ca s'er''a truvà
Nn'tiene niente 'a truvà finché ancora nun te truove tu

'A vita è fatta d'habitat
Quando 'o tiene po 'o corpo s'adatta
'E criature che cercheno a babbo
Pate e mamme ca cercheno 'a grappe
Quando hê sempe mangiato cuntato
Quando hê sempe apprezzato n'abbraccio
Facce caso, chi 'a pruvata 'a famme
Si mange, nun rimane niente 'int'ô piatto
Ca nu ricco e nu povero 'e solito parleno spisso, capisceno subito
Quando 'o ricco s'addorme fa 'e suonne
Mentre 'o povero ancora fa l'incubo
Quando 'o ricco dicette: "E allora ch'rè ca tra me e te putesse distinguere
'O povero allora s'aiza, se 'ncazza, fa 'e lacreme e dice:
"Allora 'o vuó sapé ogge comme me sento?
Ca figliemo ha 'itto ca nun è felice pecché dint'â classe tutt''e cumpagne suoje teneno già nu telefono e a bici"
'E jurnate 'e mare, tutte quante in famiglia tutte documentate dâ fotografia
Tutte quante l'ultimo modello d''e scarpe
E nun torneno a casa dint'a nu pulman
E allora che songo? Che tengo? Che valgo?
'O ricco s'assette vicino e ce dice 'int'â recchia na cosa ca nun se maje scurdato:
"Chi cresce senza na mancanza farrà si ca tutte cose è mancanza"
"Chi cresce già desideranno farrà si ca nu juorno l'ave"

Nu juorno quando vidarraje 'o cielo esplodere
E n'angelo 'e scennere
L'anema 'a pierde pecché
Coprimmo 'e polse c''o riloggio, 'e bracciale, 'e manette, abbracciate rimanimmo allerte c''o viento
E tutt''a vita allora 'a passe distratto
Cu niente, cu poco, cu troppo, pe forza, c''a faccio
Penzave ca 'int'ô cielo ce steva coccosa ca s'er''a truvà
Nn'tiene niente 'a truvà finché ancora nun te truove tu